Թեհրանում տեղի ունեցավ երկու օր տևողությամբ միջազգային հանդիպում` «Աղետների ժամանակ երիտասարդության դերը առողջության պահպանման խթանման հարցում» թեմային, որը կազմակերպվել էր Իրանական Կարմիր մահիկի կողմից: Տարբեր ազգային ընկերություններ, ինչպես նաև ԿԽՄՖ Եվրոպական և Ասիական գոտու ներկայացուցիչներ ներկայացրին իրենց երիտասարդական նախագծերը և կիսեցին իրենց փորձը թեմայի վերաբերյալ:
Միջոցառման մասնակիցները բացման արարողության ժամանակ ջերմ ընդունելության արժանացան Իրանական Կարմիր Մահիկի ընկերության նախագահի, Երիտասարդական բաժնի ղեկավարի, ինչպես նաև ՄԱԿ-ի Բնակչության հիմնադրամի ներկայացուցչի կողմից: Յուրաքանչյուր Ազգային ընկերություն ներկայացավ 15 րոպե տևողությամբ ելույթով:
Հանդիպմանը մասնակցեցին նաև բանախոսներ, որոնք խոսեցին առողջության քարոզման հարցում երիտասարդության դերի մասին: Ձևավորվեցին աշխատանքային խմբեր, որոնք քննարկեցին երիտասարդության դերի կարևորությունը` թմրամիջոցների կանխարգելման, ՄԻԱՎ/ՁԻԱՀ-ի դեմ պայքարի, սոցիալ-հոգեբանական աջակցության ու կայուն զարգացման խթանման հարցում:
