Հոկտեմբերի 18–ին «Ժպիտների ակումբ» ծրագրի շրջանակներում կազմակերպվել էր հերթական միջոցառումը Երևանի ծայրամասերում բնակվող երեխաների համար: Նրանք այցելել էին «Մեգերյան կարպետներ» գորգերի գործարան- թանգարան: Օրը շատ օգտակար և հետաքրքիր էր: Երեխաները ծանոթացան բնական ներկեր ստանալու եղանակներին, գորգ պատրաստելու բոլոր փուլերին, ինքնուրույն գործեցին, այցելեցին հնագույն գորգերի թանգարան, սովորեցին գորգում օգտագործվող տարբեր հնարքները և այլն:
Նրանք այնքան էին գերվել ինքնուրույն գործելով, որ էքսկուրսավարի հարցին`«Շարունակե՞նք էքսկուրսիան», պատասխանեցին` Ոչ, քանի որ ավելի երկար էին ցանկանում մնալ և գործել:
Այդ օրը երեխաները ծանոթացան ոչ միայն գորգագործության արվեստի նրբություններին, այլև` Հայոց պատմությանը, հայ մշակույթին, հայկական ինքնությանն ու ազգային ժառանգությանը:
