Array ( [label] => Նորություններ [uri] => /news.html [id] => 6 [content] => 0 ) 1
Նորություններ
Array ( [label] => Դասընթաց` Արարատյան Հայրապետական թեմի ցերեկային կենտրոն հաճախող երեխաների համար [uri] => /news/training-for-the-children-attending-day-centre-of-the-araratian-pontifical-diocese.html [id] => 112 [content] => 1 ) 1
Դասընթաց` Արարատյան Հայրապետական թեմի...

Դասընթաց` Արարատյան Հայրապետական թեմի ցերեկային կենտրոն հաճախող երեխաների համար

21.02.2015
Դասընթաց` Արարատյան Հայրապետական թեմի ցերեկային կենտրոն հաճախող երեխաների համար

Փետրվարի 21-ին, Արարատյան Հայրապետական Թեմի (ԱՀԹ) Ցերեկային կենտրոնում տեղի ունեցավ «ՄԻԱՎ-ի կանխարգելումը Հայաստանում» ծրագրի շրջանակներում նախատեսված կրթա-տեղեկատվական դասընթաց` «Բերանի խոռոչի հիգիենան» թեմայով, որին մասնակցեցին կենտրոն հաճախող նախադպրոցական և դպրոցական տարիքի շուրջ 30 երեխա:

«ՄԻԱՎ-ի կանխարգելումը Հայաստանում ծրագրի շրջանակներում» Հայկական Կարմիր խաչի ընկերությունը ԱՀԹ Ցերեկային կենտրոնի շահառուներին աջակցում է սոցիալապես` տրամադրելով նրանց սննդի և հիգիենիկ պարագաների փաթեթներ:

Ծրագրի իրականացման այս փուլում սոցիալական աջակցությունը համալրվեց կրթական բաղադրիչով: Աշխատանքային թիմը, ունենալով երեխաների հետ աշխատելու հարուստ փորձ, առաջարկությամբ հանդես եկավ` աշխատել նաև կենտրոն հաճախող երեխաների հետ: Ստանալով կենտրոնի համաձայնությունը` անմիջապես սկսվեցին կրթական ծրագրի նախապատրաստական աշխատանքները:

«Բերանի խոռոչի հիգիենան» թեմայով դասընթացն անցկացրեց ծրագրի կրթական մասով պատասխանատու, բժիշկ-ստոմատոլոգ Եսթեր Չոբանյանը`անդրադառնալով բերանի խոռոչի խնամքի հիմնական կանոններին. ատամի խոզանակի և մածուկի ճիշտ ընտրությունից մինչև ատամնաբույժի մոտ այցելության հաճախականությունը:

Դասընթացի իրականացմանն աջակցում էին նաև ծրագրի հոգեբանը, Երիտասարդական կարմիր խաչի (ԵԿԽ) կամավորներն ու Ցերեկային կենտրոնի աշխատակիցները: ԵԿԽ կամավորների շարքում էր նաև Քամերունից ժամանած հյուրը`Լաուրան, որը համալրելով ԵԿԽ կամավորների շարքերը, վարում է տեղեկատվական քննարկումներ ԵԿԽ կամավորների համար` ՄԻԱՎ/ՁԻԱՀ թեմայի վերաբերյալ:

Հանդիպումն ավարտվեց երեխաների կողմից հնչած բազմաթիվ հարցերով, որոնք իրենց սպառիչ պատասխաններն ստացան մասնագետի կողմից: Երեխաներին տրամադրվեցին նաև հատուկ փաթեթներ` համապատասխան հիգիենիկ պարագաներով:

    ՆՎԻՐԱՏՎՈՒԹՅՈՒՆ