Մասնաճյուղեր
Սյունիքի մարզային մասնաճյուղ

    Սյունիքի մարզային մասնաճյուղ

                                                       

     

    Հայկական Կարմիր խաչի ընկերությունը (ՀԿԽԸ), հետևելով իր մարդասիրական առաքելությանը, ձգտում է մշտապես լինել ամենախոցելիների կողքին՝ հնարավորինս բավարարելու նրանց մարդասիրական կարիքներն ու մեղմելու տառապանքները։

     

    Սյունիքի մարզում ՀԿԽԸ-ն աջակցում է

    • միայնակ առավել խոցելի տարեցներին
    • հատուկ կարիքներ ունեցող երեխաներին
    • երեխաներին ու երիտասարդներին
    • խոցելի համայնքների բնակչությանը
    • անապահով ընտանիքներին
    • տուբերկուլյոզով հիվանդներին

     

     


    Սոցիալ-հոգեբանական աջակցություն երեխաներին

    100 երեխա

     

    •     ՀԿԽԸ կամավորները, անցնելով դասընթացներ, ձեռք բերելով համապատասխան գիտելիքներ և հմտություններ, «Երեխաների  կայուն զարգացում» ծրագրի շրջանակներում երեխաների համար ութ պարապմունք են անցկացնում, որոնց ընթացքում քննարկում են, թե ինչ իրավունքներ ու կարիքներ ունեն երեխաները, ինչ դեր կարող են ունենալ իրենց համայնքի կյանքում, ինչ է բռնությունը և ինչպես պետք է խուսափել դրանից:
    • Կամավորները, երեխաների համար ընկերական և վստահության մթնոլորտ ստեղծելով՝ հնարավորություն են տալիս նրանց իրենց շրջապատի երևույթների մասին կարծիք ձևավորելու, դրանք ճիշտ ընկալելու և վերարտադրելու: Պարպմունքները նպաստում են նաև երեխաների ընդհանուր զարգացմանը,  նրանց՝ հասակակիցների և մեծերի հետ շփվելու հմտություններ տալիս, դարձնում ավելի համարձակ, զարգացնում հանդուրժողականությունը և խթանում  խնդիրներին կառուցողական մոտեցումների ցուցաբերումը:
    • Դասընթացներից բացի նախատեսված են նաև էքսկուրսիաներ մարզի տեսարժան վայրեր, հետաքրքիր միջոցառումներ:

     

    Գթություն

    200 միայնակ անժառանգ անկողնային կամ հաշմանդամ տարեց

     

    «Գթություն» ծրագիրն իրականացվում է «Կապանի Լեռնահարստացման կոմբինատ» ՓԲԸ-ի  ֆինանսավորմամբ: Ծրագրում ներգրաված են 200 միայնակ անժառանգ ծերեր,որոնցից 30 անկողնային են, 80-ը՝ հաշմանդամ:

    ՀԿԽԸ Սյունիքի մարզի կամավորները իրականացնում են

    • տնային այցելություններ, տնային փոքր աշխատանքներ,
    • սննդի և դեղորայքի բաշխում,
    • տարեցների ծննդյան տոների կազմակերպում։

     

    Ս ո ց ի ա լ - հ ո գ ե բ ա ն ա կ ա ն  ա ջ ա կ ց ո ւ թ յ ո ւ ն

    անհայտ կորածների ընտանիքներին

    22 Անհայտ կորածի  ընտանիք

    • Մանրամասն տվյալների հավաքագրում անհայտ կորած անձանց վերաբերյալ
    • Աջակցություն ընտանիքներին լուծելու իրենց սոցիալական, առողջական և իրավաբանական  խնդիրները
    • Խորհրդատվական հանդիպումների կազմակերպում բժիշկների, իրավաբանների, մարզային և տեղական իշխանությունների սոցիալական ծառայությունների ներկայացուցիչների հետ
    • Դասընթացների կազմակերպում ընտանիքների անդամների համար
    • Մշակութային միջոցառումների կազմակերպում

     

    Ավազաթերապիա երեխաների համար

    70 երեխա

    Կապանի թիվ 3 հատուկ կրթահամալիրում սովորում են երեխաներ,ովքեր ունեն կրթություն ստանալու համար առանձին հատուկ պայմանների կարիք:

    ՀԿԽԸ մարզային մասնաճյուղը նախաձեռնել է դպրոցում ստեղծել ավազաթերապիայի սենյակ, որտեղ կամավորները՝ կրթահամալիրի մասնագիտական թիմի հետ միասին կանցկացնեն ավազաթերապիայի պարապունքներ։

     

    Մարդասիրական արժեքների տարածում

     Տարեկան մոտ 1000 ուսանող և աշակերտ

    Նպատակն է բնակչության, հատկապես՝ երիտասարդության շրջանում, տարածել մարդասիրական գաղափարները, ներգրավել նոր ռեսուրսներ ու կամավորներ, ընդլայնել գործընկերների ցանկը:

     

    • Սյունիքի մարզի քաղաքների ու գյուղերի դպրոցներում և ուսումնական հաստատություններում Կարմիր խաչի հիմնարար սկզբունքների ու պատմության լուսաբանման աշխատանքներ,
    • թեմատիկ միջոցառումներ՝ խաղեր ու մրցույթներ:

     

    Խարանի և խտրականության նվազեցում

    և սոցիալ-հոգեբանական աջակցություն

    20 տուբերկուլյոզով հիվանդ

     

    • Սոցիալ- հոգեբանական աջակցությունը բուժումն ընդհատած հիվանդներին
    • Խտրականության վերաբերյալ զրույցներ հիվանդների, հարզատների և բուժօգնության առաջնային օղակի ներկայացուցիչների հետ

     Աղետների կառավարում և արձագանքում

    Արձագանքման թիմի 12 անդամ

    • արտակարգ իրավիճակներին պատրաստվածության բարելավում՝ արձագանքման թիմերի ստեղծման միջոցով,

    արտակարգ իրավիճակների արձագանքման կենտրոնի գործառույթների բարելավում՝ արտակարգ իրավիճակներում կամավորներին վերահսկելու

     

    Փախստականների պաշտպանություն և տնտեսական ինտեգրում

    • ՀՀ-ում ապաստան հայցողներին և փախստականներին առաջնային մարդասիրական և իրավաբանական խորհրդատվության տրամադրում,
    • Ամեն ամիս մոնիտորինգի իրականացում Սյունիքի մարզի Ագարակի սահմանակետում ամսեկան մեկ անգամ,
    • Վերապատրաստման դասընթացներ՝մուտքի պաշտոնյաների համար: