«Առողջ ապրելակերպը սովորություն է»․ սեպտեմբերի 14-ին, ՀԿԽԸ Գեղարքունիքի մարզային մասնաճյուղի 30 կամավորներ՝ Առողջապահության նախարարության, Պարենի համաշխարհային ծրագրի, Առողջապահության համաշխարհային կազմակերպության և այլ կառույցների հետ համագործակցութամբ, Սևան քաղաքում անցկացրել են քայլերթ և իրազեկող արշավ՝ առողջ ապրելակերպի վերաբերյալ։ Արշավը մեկնարկեց Սևան քաղաքի N4 հիմնական դպրոցից: Մասնակիցները Սևանի Չարենց փողոցով անցան առողջ ապրելակերպը քարոզող պաստառներով և հասան մինչև Իզերի հրապարակ: «Փյունիկ» խաչքարի տարածքում անցկացվեց միջոցառումների շարք: Թեմատիկ տաղավարներում ներկայացվել են առողջարար ուտեստներ և առողջ ապրելու կանոններ։
Միջոցառման նպատակն էր հանրության շրջանում բարձրացնել իրազեկվածությունը առողջ ապրելակերպի վերաբերյալ, խրախուսել առողջ սննդի պատրաստումը, ֆիզիկական ակտիվությունը, առողջ վարքագծի ձևավորումը։
