Մարտի 20-ին Հայկական Կարմիր խաչի ընկերությունը «Հայ կամավորների բանկ» ԵՀԿ-ի կողմից կազմակերպված «Տարվա լավագույն կամավոր 2020» մրցանակաբաշխության ժամանակ արժանացավ «Տարվա լավագույն կամավորական նախաձեռնություն» մրցանակին՝ Քովիդ-19 համավարակի ընթացքում իրականացրած կամավորական գործունեության համար։
ՀԿԽԸ Երիտասարդության, կամավորության և անդամակցության բաժնի վարիչ, հրավիրյալ խոսնակ Կատարինա Վարդանյանն իր խոսքում անդրադարձավ հանրության համար կամավորության դերին և համավարակի ընթացքում ՀԿԽԸ կամավորների կատարած ահռելի աշխատանքին:
Մրցանակաբաշխության նպատակն է խրախուսել տարբեր ոլորտներում կամավորական աշխատանք կատարած և հաջողություններ գրանցած անհատներին ու կազմակերպություններին՝ շեշտադրելով կամավորական աշխատանքի կարևորությունն ու անհրաժեշտությունը թե՛ անհատների, թե՛ երկրի զարգացման գործում: Այն կազմակերպվում է 2017 թվականից։
