Array ( [label] => Նորություններ [uri] => /news.html [id] => 6 [content] => 0 ) 1
Նորություններ
Array ( [label] => Ավստրիայի Արտաքին գործերի նախարարության պատվիրակ Դոնատուս Կոկն այցելեց Հայկական Կարմիր խաչի ընկերություն [uri] => /news/donatus-kock-deputy-director-europe-integration-foreign-affairs-federal-ministry-of-austria-visited-arcs.html [id] => 162 ) 1
Ավստրիայի Արտաքին գործերի նախարարության...

Ավստրիայի Արտաքին գործերի նախարարության պատվիրակ Դոնատուս Կոկն այցելեց Հայկական Կարմիր խաչի ընկերություն

26.09.2015
Ավստրիայի Արտաքին գործերի նախարարության պատվիրակ Դոնատուս Կոկն այցելեց Հայկական Կարմիր խաչի ընկերություն

Սեպտեմբերի 25-ին Հայկական Կարմիր խաչի ընկերությունում էին Ավստրիայի Արտաքին գործերի նախարարության պատվիրակ Դոնատուս Կոկը և Հայաստանում և Վրաստանում Ավստրիայի զարգացման գործակալության ներկայացուցիչները:

Այցելության նպատակն էր ծանոթանալ ավստրիական կառավարության և Ավստրիական Կարմիր խաչի ֆիանսավորմամբ իրականացվող, մասնավորապես՝ սիրիահայերի աջակցության ծրագրերին:

Ողջունելով հյուրերին ՀԿԽԸ Գլխավոր գրասենյակում՝ Գլխավոր քարտուղար Աննա Եղիազարյանը ներակայացրեց Հայկական Կարմիր խաչի ընկերության անցած 95-ամյա ուղին, ռազմավարական ուղղությունները, ուժեղ և թույլ կողմերը.

- Ազգային ընկերության գործունեության ակտիվ շրջանն սկսվեց 1988թ. Սպիտակի երկրաշարժից հետո: Կազմակերպությունը մեծ զարգացում ապրեց, և շուտով, մենք մարդասիրական օգնություն տրամադրելուց անցանք զարգացման ծրագրերի: Անցնելով Բնակչության տեղաշարժի ուղղությանը՝ պետք է նշեմ, որ 2012թվականից, երբ սկսվեց սիրիահայերի ներհոսքը, նրանք ներգրավվեցին ՄԱԿ-ի ՓԳՀԳ կողմից ֆինանսավորվող ծրագրում: Այնուհետև մշակվեցին հատուկ ծրագրեր՝ սիրիահայերի համար, և այստեղ մեծ դեր ունեցան և Ավստրիայի զարգացման գործակալությունը, և Ավստրիական Կարմիր խաչը: Կցանկանայի ընդգծել, որ նրանց աջակցության շնորհիվ հնարավորություն ստացանք ընդլայնել մեր գործունեությունը և նոր ծառայություններ մատուցել մեր շահառուներին, ինչի համար շնորհակալ ենք:

Այնուհետև Աղետների կառավարման և բնակչության տեղաշարժի բաժնի վարիչ Էդմոն Ազարյանը ներկայացրեց սիրիահայերի ներհոսքի հետ կապված իրավիճակը, որից ելնելով է Հայկական Կարմիր խաչի ընկերությունը մշակում աջակցության ծրագրերը:

- Ներկայումս Հայաստան ժամանակ մոտ 18 000 սիրիահայերից 5500-ը գրանցված են մեզ մոտ: 2013 թվականից Սիրիահայերի աջակցության ծրագրի երեք փուլ է իրականացվել, այժմ ընթացքի մեջ է նաև Սիրիահայերի ինտեգրման խթանում ծրագիրը, որի տնտեսական ինտեգրման բաղադրիչը մեզ համար շատ կարևոր է: Այն հնարավորություն է տալու սիրիահայերին համատեղ բիզնես նախագծեր իրականացնել, իսկ հատուկ սիրիահայ մասնագետների համար ստեծված ինտերնետային կայքը կապ կստեղծի գործատուների և աշխատանք փնտրողների միջև, որպեսզի գործատուն և աշխատողը կարողանան գտնել իրար: Մենք ձգտում ենք այնպիսի հնարավորություններ ստեղծել, որպեսզի մարդիկ չհեռանան Հայաստանից, այլ հաստատվեն այստեղ, - ասաց նա:

Պարոն Կոկը հետաքրքրվեց հատկապես կամավորների ներգրավման համակարգով, պետական կառույցների և մասնավոր սեկտորի հետ Հայկական Կարմիր խաչի ընկերության համագործակցությամբ: Խոսելով ծրագրերի շարունակականության մասին, նա, ասաց.

- Թեև եվրոպական երկրնեըը, այդ թվում և Ավստրիան, այսօր ինքն էլ դժվար ժամանակներ է ապրում՝ ներգաղթյալների ներհոսքի պատճառով, հաշվի առնելով Հայկական Կարմիր խաչի հետ արդյունավետ համագործակցությունը կարծում եմ, որ այն կշարունակվի, և մենք կկարողանանք աջակցել սիրիահայերի հետագա ինտեգրմանը:

ՆՎԻՐԱՏՎՈՒԹՅՈՒՆ