Հայկական Կարմիր խաչի ընկերությունը՝ շարունակում է ջանքեր գործադրել խոցելի խմբերի սոցիալական վիճակի վրա Covid-19 համավարակի ազդեցությունը հնարավորինս մեղմելու ուղղությամբ։
ՀՀ Արարատի մարզպետարանի հետ համագործակցությամբ և Կարմիր խաչի միջազգային ֆեդերացիայի աջակցությամբ՝ Արարատի մարզի Արտաշատ, Արարատ, Վեդի և Մասիս քաղաքներում 1512 միայնակ և անժառանգ տարեցների, հաշմանդամություն ունեցող անձանց և առավել խոցելի ընտանիքներին տրամադրում է մեկ ամսվա համար նախատեսված սննդի և հիգիենիկ պարագաների փաթեթ։
Փաթեթները, որոնք կազմված են` հիմնվելով ՀՀ աշխատանքի և սոցիալական հարցերի նախարարության կողմից տրամադրված մեկ մարդու համար նվազագույն զամբյուղի հաշվարկի վրա, ՀԿԽԸ կամավորները հասցնում են շահառուների տներ։
