Զվարճանքի կենտրոն, թատրոն, կինո, «Մեգերյան կարպետ», էքսկուրսիաներ Երևանի տեսարժան վայրեր՝ սիրիահայերի ինտերգման նպատակով ստեղծված Հոգեբանական աջակցության կենտրոնի մասնագետների կողմից հատուկ միջոցներ են ընտրվում սիրիահայերի հոգեբանական վիճակը թեթևացնելու, պատերազմի և տեղահանման սթրեսները մեղմելու նպատակով։
«Սիրիահայերի և տեղացիների դիմակայունության բարձրացում» ծրագրի շրջանակներում հոկտեմբեր և նոյեմբեր ամսիներին 62 սիրիահայերի կենտրոնի մասնագետներն ուղեկցեցին «Արենա բոուլինգ և բիլիարդ ակումբ» զվարճանքի կենտրոն, Երևանի պետական կամերային թատրոն, Մոսկվա կինոթատրոն, զբոսանքների ու էքսկուրսիաների։
Մասնակիցները վկայեցին, որ նմանատիպ միջացառումները հնարավորություն են տալիս նրանց փոքրիշատե թոթափել առօրյա հոգսերը և դժվարությունները: Ջերմ մթնոլորտն ու անկեղծ զրույցներnվ օգնում են սիրիահայերին մոռանալ դժվարությունները և միասին քննարկել իրենց հուզող հարցերը։
ԻՐԻՍ ծրագիրը իրականացվում է Ի պատասխան Սիրիական Ճգնաժամի ստեղծված Եվրոպական միության տարածաշրջանային Թրասթ Ֆոնդի՝ «Մադադ»-ի, Ավստրիական զարգացման համագործակցության և Ավստրիական Կարմիր խաչի ֆինանսական աջակցությամբ։ Ավստրիական Կարմիր խաչի կողմից ղեկավարվող կոնսորցիումի կողմից, որի անդամներն են Հայկական Կարիտաս Բարեգործական ՀԿ-ն, Հայկական Կարմիր խաչի ընկերակցության, Սիրիահայերի հիմնախնդիրների համակարգման կենտրոնի և ՓՄՁ համագործակցություն ասոցիացիայի կողմից։
