Նորություններ
«Երիտասարդները` ընդդեմ ՄԻԱՎ-ի»

«Երիտասարդները` ընդդեմ ՄԻԱՎ-ի»

28.06.2013

Հունիսի 28-ին Հյուսիսային պողոտայումՀայկական Կարմիր խաչիընկերությունը` Arai Dance Show, Meelyclan երիտասարդական պարայինխմբերի և անհատ պարողների մասնակցությամբ, իրականացրեց տեղեկատվական քարոզարշավ«Երիտասարդները` ընդդեմ ՄԻԱՎ-ի» ծրագրի շրջանակներում:

Միջոցառման ընթացքում գործում էին նաև տեղեկատվական սեղաններ, որտեղ բոլոր հետաքրքրվող քաղաքացիներին տրամադրվում էր ՄԻԱՎ/ՁԻԱՀ-ի վերաբերյալ ամբողջական ինֆորմացիա:   

ՄԻԱՎ վարակի համաճարակն իր ներգործությամբ և կործանարար չափերով աշխարհում արտակարգ իրավիճակ է ստեղծել: Առաջին անգամ արձանագրվելով 1981թ.-ին ԱՄՆ-ում` այսօր ՄԻԱՎ վարակը տարածվել է բոլոր մայրցամաքներում և աշխարհի բոլոր երկրներում` վերաճելով գլոբալ համաճարակի: 2011թ. դրությամբ աշխարհում արդեն ապրում էր մոտ 34 մլն ՄԻԱՎ վարակ ունեցող մարդ:

ՄԻԱՎ/ՁԻԱՀ-ի խնդիրն արդիական է նաև մեր հանրապետության համար: Հայաստանի Հանրապետությունում մարդու իմունային անբավարարության վիրու­սով վարակվածության դեպքերի արձանագրումը սկսվել է 1988 թվականից:

1988թ. մինչև 2013թ. մայիսի 31-ը մեր երկրում գրանցվել է ՄԻԱՎ վարակի 1448  դեպք: ՄԻԱՎ վարակով հիվանդների ընդհանուր կազմում գերակշռում են արական սեռի ներկայացուցիչները՝ 1017 մարդ (70,2%) իգական սեռի ներկայացուցիչների մոտ արձանագրվել է վարակի 431 դեպք (29,8%): ՄԻԱՎ վարակի 28 դեպք (1,9%) է արձանագրվել երեխաների մոտ: ՄԻԱՎ-ով վարակվածների մոտ 55,9%-ը 25-39 տարիքային խմբում է:

Հայաստանի Հանրապետությունում ՄԻԱՎ վարակի փոխանցման հիմնական ուղիներն են հետերոսեքսուալ ճանապարհը (57,4%) և թմրամիջոցների ներարկային օգտագործման միջոցով վարակումը (32,9%): Սրանցից բացի արձանագրվել են հոմոսեքսուալ ճանապարհով, մորից երեխային և արյան միջոցով ՄԻԱՎ վարակի փոխանցման դեպքեր: Հանրապետությունում ՄԻԱՎ-ով ապրում է 3500 մարդ: