«Իմ քայլը» հիմնադրամը՝ Ընտանիքի միջազգային օրը, մեկնարկեց ևս մեկ սոցիալական ծրագիր՝ այս անգամ ուղղված Վայոց ձորի մարզում անապահովության գնահատման համակարգում ընդգրկված միակողմանի և երկկողմանի ծնողազուրկ, ինչպես նաև բազմազավակ ընտանիքների երեխաներին:
Սոցիալական ծրագրի շրջանակներում մարզի 695 ընտանիքի 2036 անչափահաս երեխաների կտրամադրվեն պարենի մեկամսյա փաթեթներ՝ կազմված ՀՀ Առողջապահության նախարարության և Առողջապահության համաշխարհային կազմակերպության՝ 0-10 և 11-18 տարեկան երեխաներին անհրաժեշտ սննդարար նյութերի և էներգետիկ արժեքների ուղենիշների հիմքով։
Հայկական Կարմիր խաչի ընկերության կամավորները՝ Վայոց ձորի Սոցիալական ապահովության տարածքային բաժինների աշխատակիցների հետ միասին մարդասիրական օգնությունը հասցնում են շահառուների տներ։
