Տավուշի մարզի 6 սահմանամերձ համայնքների՝ Պառավաքար, Մովսես, Չինարի, Ներքին Կարմիրաղբյուր, Այգեպար, Չորաթան, ԱԻՆ քաղաքացիական պաշտպանության թիմերը Առաջին օգնության նյութեր ստացան Հայկական Կարմիր խաչի ընկերության կողմից։
Չինարիի ԱԻՆ քաղաքացիական պաշտպանության թիմը ստացավ նաև ԱՕ արկղիկ և երկու պատգարակ:
Առաջին օգնության նյութեր են տրամադրվել նաև Պառավաքար, Մովսես, Ներքին Կարմիրաղբյուր, Այգեձոր համայնքների ամբուլատորիաներին, Այգեպարի և Չինարիի բուժկետերին:
Հայկական Կարմիր խաչի ընկերությունը և Կարմիր խաչի միջազգային կոմիտեի հայաստանյան գրասենյակը՝ Կրակոցների և հրետակոծման ժամանակ վարքագծի ընդհանուր կանոնների վերաբերյալ պաստառներ են փակցրել Բերդ քաղաքում և Պառավաքար, Ներքին Կարմիրաղբյուր, Չորաթան, Մովսես, Նավուր, Իծաքար համայնքներում։
ԱԻՆ-ԿԽՄԿ-ՀԿԽԸ համագործակցության շրջանակներում Հայկական Կարմիր խաչի ընկերությունը 2017 թվականից Առաջին օգնության դասընթացներ է անցկացնում Տավուշի մարզի սահմանամերձ համայնքների ԱԻՆ քաղպաշտպանության թիմերի համար։
