Նոր վերանորոգված մասնաշենք՝ ՀԿԽԸ Գյումրու Շուրջօրյա խնամքի կենտրոնում
2024 թ․ Հայկական Կարմիր խաչի ընկերության Գյումրու Շուրջօրյա խնամքի կենտրոնի երրորդ բնակելի մասնաշենքը, որտեղ բնակվում են շուրջ 50 շահառուներ, վերանորոգվել և կահավորվել է «Աշխատելով միասին հանուն որակյալ խնամքի, բարեկեցության և արժանապատիվ կյանքի – հաջորդ փուլ» ծրագրի շրջանակում։ Վերանորոգման աշխատանքներն իրականացվել են հաշվի առնելով բնակիչների կարիքները, անվտանգությունը և հավասարության ապահովման սկզբունքը։ Վերանորոգման արդյունքում բարելլավվել են կենտրոնի բնակիչների կենցաղային պայմանները և կյանքի որակը, ստեղծվել է հարմարավետ և բարենպաստ միջավայր, որտեղ յուրաքանչյուրն ունի իր անձնական տարածքը։ Այս գործընթացում մեծ ուշադրություն է հատկացվել բնակիչների համար ընտանեկան միջավայր ստեղծելուն, ինչն անմիջականորեն ազդում է նրանց հոգեկան ու ֆիզիկական բարեկեցության վրա։
Ծրագիրն իրականացվում է Ավստրիական Կարմիր Խաչի հետ համագործակցությամբ՝ Ավստրիական Զարգացման Գործակալության համաֆինանսավորմամբ։
