Նորություններ
Գյումրիի տուն-ինտերնատում նշեցին Նոր տարին

Գյումրիի տուն-ինտերնատում նշեցին Նոր տարին

26.12.2019
Գյումրիի տուն-ինտերնատում նշեցին Նոր տարին

Դեկտեմբերի 25-ին ՀՀ Աշխատանքի և սոցիալական հարցերի նախարարության Գյումրու տուն-ինտերնատի բնակիչների համար Ամանորյա միջոցառում էին կազմակերպել Հայկական Կարմիր խաչի ընկերությունը (ՀԿԽԸ) և ինտերնատի տնօրինությունը։

Անմիջական մթնոլորտում ներկաների համար ելույթ ունեցան Գյումրիի ժող․ գործիքների անսամբլը՝Մուրադ Մալխասյանի գլխավորությամբ, երգիչ Նորայր Բարսեղյանը և «Հայկական զարդանախշեր» պարային համույթը, ասմունքեցին ՀԿԽԸ տարեցների համայնքային նախաձեռնող խմբի անդամները։


Տուն-ինտերնատի 160 բնակիչները Հայկական Կարմիր խաչի ընկերության և Գյումրու տուն-ինտերնատի տնօրինության կողմից ստացան ամանորյա նվերներ։

 

Միջոցառմանը ներկա էին ՀՀ Աշխատանքի և սոցիալական հարցերի նախարարի տեղակալ Գեմաֆին Գասպարյանը և ՀԿԽԸ գլխավոր քարտուղար Աննա Եղիազարյանը։ Ողջունելով ներկաներին և շնորհավորելով գալիք տոները՝ նրանք վստահություն հայտնեցին, որ համատեղ ջանքերի շնորհիվ էապես կբարելավվեն Գյումրու տուն-ինտերնատի բնակիչների պայմաններն ու մատուցվող ծառայությունների որակը։


Դեկտեմբերի 19-ին ՀՀ Աշխատանքի և սոցիալական հարցերի նախարարության միջև ստորագրվեց հուշագիր, որի շրջանակներում Հայկական կարմիր խաչի ընկերությունը 2020 թվականից իրականացնելու է Գյումրու տուն-ինտերնատի կառավարումը։